ចាប់ផ្សឹក សមាជិកសង្ឃ​របស់ព្រះអង្គ​ប៊ុត ប៊ុនតិញ ទាក់ទងការប្រើកាំភ្លើង និងដាវសាំម៉ាវៃ

សមាជិក​បណ្ដាញ​ព្រះសង្ឃ​ឯករាជ្យ​មួយ​អង្គ​នៅ​បាត់ដំបង​ត្រូវ​សមត្ថកិច្ច​ចាប់​ផ្សឹក

សមាជិកបណ្ដាញព្រះសង្ឃឯករាជ្យដើម្បីយុត្តិធម៌សង្គម១ព្រះអង្គគង់នៅក្នុងខេត្តបាត់ដំបង ត្រូវបានអាជ្ញាធរនាំព្រះកាយ
ទៅ សាកសួរនៅតុលាការ។

ព្រះអង្គដែលត្រូវបានឃាត់ព្រះកាយយកទៅសាកសួរនៅតុលាការនោះ មានព្រះនាម ហន សុផាន្នី គង់នៅក្នុងវត្តដំរីស។
បើតាមព្រះអង្គ ឱ្យដឹងថា ការកោះហៅនេះ ធ្វើឡើងក្រោមការចោទ្រកាន់ថា ព្រះអង្គបានលាក់អាវុធខុសច្បាប់ ចង់បង្កើត
អបគមន៍ ។

បើតាមការបញ្ជាក់ឱ្យដឹងពីព្រះអង្គ ហន សុផាន្នី មុនការឃាត់ព្រះកាយនេះ ឱ្យដឹងថា កាលពីកន្លងមក ព្រះអង្គធ្លាប់បាន
យកកាំភ្លើងជ័រក្លែងក្លាយទៅបង្ហោះនៅក្នុងបណ្ដាញសង្គមហ្វេសប៊ុក ហើយការយកកាំភ្លើងជ័រទៅបង្ហោះនេះហើយជា
ហេតុធ្វើឱ្យមានការឃាត់ព្រះកាយ ។

បើតាមព្រះអង្គ ឡុញ សុខជា អ្នកសម្របសម្រួលបណ្ដាញព្រះសង្ឃឯករាជ្យដើម្បីយុត្តិធម៌សង្គម នៅខេត្តបាត់ដំបង
បញ្ជាក់ឱ្យ វិទ្យុសម្លេងព្រះសង្ឃឯករាជ្យដឹងនៅរសៀលថ្ងៃទី២១ មិថុនា នេះថា ការឃាត់ព្រះកាយទាំងមិនអោយមើល
ដីការរបស់តុលា ការនេះ ធ្វើឡើងនៅម៉ោងប្រហែលជា១២ថ្ងៃត្រង់ ថ្ងៃទី២១ មិថុនា នេះ ខណៈដែលព្រះអង្គកំពុង
សឹង ។

ព្រះអង្គបញ្ជាក់ទៀតថា រហូតមកទល់នឹងម៉ោងជិត៤ល្ងាចនេះ អាជ្ញាធរមិនព្រមប្រាប់ថា បានចាប់ខ្លួន ព្រះអង្គ ហន សុផាន្នី
យកទៅទុកនៅទីណាឡើយ ខណៈតុលាការឆ្លើយថា មិនដឹង ចំណែកឯស្នងការដ្ឋាននគរបាលខេត្តក៏ឆ្លើយថា មិនដឹង។

ទោះជាយ៉ាងណា ព្រះអង្គ ប៊ុត ប៊ុនតិញ បញ្ជាក់ឱ្យដឹងថា នេះមិនមែនជាកិច្ចការងាររបស់អាជ្ញាធរដែលត្រូវមកឃាត់
ព្រះកាយ ព្រះអង្គ ហើយត្រូវចាប់បញ្ជូនទៅតុលាការនោះទេ ។ ព្រះអង្គលើកឡើងថា បើសិនជាយល់ថា ទង្វើរបស់លោក
ធ្វើយ៉ាងដូច្នេះ ខុសមែន គួរណាតែមានការដោះស្រាយពីមន្រ្តីសង្ឃជាមុនសិន ព្រោះលោកក៏គង់នៅក្នុងវត្តរបស់ព្រះមេ
គណក្រុងស្រាប់ទៅ ហើយ  ៕