គណបក្សសម្ព័ន្ធដើម្បីប្រជាធិបតេយ្យ (គ.ស.ប) ដែលមានឈ្មោះជាភាសាអង្លេស League for Democracy Party ហៅកាត់ថា (LDP) នឹងរៀបចំវេទិកា និងការហែក្បួនឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០១៧ ចំនួន ៣កន្លែង។ នេះបើយោងតាមសេចក្ដីជូនដំណឹងរបស់គណបក្សនេះ។ ទីតាំងទាំង ៣កន្លែងនោះ រួមមាន៖
ថ្ងៃទី២៦ ខែឧសភា វេលាម៉ោង ៨:៣០នាទីព្រឹក នៅតារាងបាល់ទាត់ក្រុងតាខ្មៅ ខេត្តកណ្ដាល ដោយមានអ្នកចូលរួមប្រមាណ ២០០០នាក់។
ថ្ងៃទី២៨ ខែឧសភា វេលាម៉ោង ៧:៣០នាទីព្រឹក នៅក្នុងដីឡូត៍ តាមបណ្ដោយផ្លូវជាតិលេខ៦ ក្នុងភូមិគោកត្នោត ឃុំកណ្ដែក ស្រុកប្រាសាទបាគង ខេត្តសៀមរាប ។ អ្នកចូលរួមគឺមានប្រមាណ ៥០០០នាក់។
ថ្ងៃទី២ ខែមិថុនា ម៉ោង ៨ព្រឹក នៅទីលានបាល់ទាត់វាលបែកចាន សង្កាត់រតនៈ ក្រុងបាត់ដំបង ខេត្តបាត់ដំបង ដោយមានអ្នកចូលរួមប្រមាណ ១ម៉ឺននាក់។
សេចក្ដីជូនដំណឹងដដែលក៏បានបញ្ជាក់ដែរថា លោកខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ នឹងចូលរួមក្នុងកម្មវិធីហែក្បួនទាំង ៣ ខាងលើ៕
- រូបភាព លោកខឹម វាសនា មកពីប្រទេស កានណាដា
0 comments:
Post a Comment